બહારની શોભા આ દુનિયાને બરાબર જોઈએ,
હો ભલે હલકી મદિરા,જામ સુંદર જોઈએ..*
આ નિરાશા કે હવે દિલનું જ ઠેકાણું નથી,
એ હતી આશા કે તમને દિલની અંદર જોઈએ.*
આ જગતમાં જ્યાં બધાનું મોત પણ સરખું નથી,
ત્યાં ભલા શું માંગીએ જીવન બરાબર જોઈએ.*
આ અહીં નીચે તો માટી સાથ માટી થઈ ગયા,
કોણ જાણે કેટલું વીતે છે ઉપર જોઈએ
જિંદગીમાં આટલું સમજાય તો સારું
'મરીઝ' જિંદગી સમજીને કોને જિદગીભર જોઈએ.
No comments:
Post a Comment