મૌત ! તું શું બહાનું શોધે છે,મારું આખું જીવન બહાનું છે.*

મૌત ! તું શું બહાનું શોધે છે,મારું આખું જીવન બહાનું છે.*

ક્યાં છે સંપૂર્ણ મારી બદનામી,કે હજી કઈક છાનું છાનું છે*

આમ તો છે જીવન-કિતાબ અકબંધ,પણ અલગ એનું પાનું પાનું છે.*

યંત્રવત જિંદગી જીવો કે જગત,પેલા માલિકનું કારખાનું છે.*

પ્રેમનું દુઃખ ભલેને છે જાહેર,સુખ જરા એમાં છાનુંમાનું છે.*

તમે જોયા હશે સફેદ ગુલાબ,રૂપ મારુંય રંગ વિનાનું છે.*

જાગૃતિ રાખો જિંદગીમાં 'મરીઝ'આખરે તમને સૂઈ જવાનું છે.