દિલ એની શ્યામ શ્યામ લટોને દઈ દીધું,

દિલ એની શ્યામ શ્યામ લટોને દઈ દીધું,

બળતું'તું ઘર એ કૃષ્ણને અર્પણ કરી દીધું.

*અવગણના કાં કરો છો સબબ ના કહો મને,

મેં પણ તો મારા પ્રેમનું કારણ નથી દીધું.

*પહેલાનાં સૌ રૂપાળા સ્મિતોથી છે રમ્યતર,

વર્ષો પછી તમે જે આ ફીકું હસી દીધું.

*મહેનત મને દીધી છે હવે ફેરફારની,ચાહ્યું

તમે તે મારું મુકદ્દર લખી દીધું.

*સાધુતાનો અમારો આ મહિમા જરા જુઓ,

અપનાવે છે બીજાઓ અમે જે તજી દીધું.

*સંયમ રુદન ઉપરનો નકામો હતો

'મરીઝ'કંઈ પણ થયું નહી અમે જયારે રડી દીધું.