તને હું, તુજમાં ન લાગ્યો તારા જેવો, અને હું, ખુદમાં ન બચ્યો મારા જેવો.

તને હું, તુજમાં ન લાગ્યો તારા જેવો,
અને હું, ખુદમાં ન બચ્યો મારા જેવો.

ચમકે તું ચંદ્ર જેમ, શીતળતા વિખેરે,
જડું હુ આભમાં ખરતા સિતારા જેવો.

ખાલીખમ હું, જો તું ન રહે જીવનમાં,
ફક્ત તું છે જેમાં, હું એ પિટારા જેવો.

તું કોમળ કુંપળ, હજુ તાજી ખીલેલી,
વેઠવો મુશ્કેલ છે જેને હું, ભારા જેવો.

તું છે એક વિજેતા જે કાયમ જ જીતે,
'અખ્તર' છે વ્યર્થ ગયેલા વારા જેવો.